Translations
Ētahi huatau pai mō te haumaru ā-ipurangi

Te reo Māori - keeping secure online

Truestock NewZealandStockImages 9331 2

Anei ētahi mōhiohio hei āwhina i a koe kia noho haumaru i te ipurangi.

He tari kāwanatanga a CERT NZ e tautoko ana i te tangata me ngā pakihi e raru ana i te 
haumaru ā-ipurangi.

Ko tā CERT NZ he whakarato mōhiohio me ngā tohutohu pono.

E mataara tonu ana mātou ki ngā whakatuma ā-ipurangi ka whai pānga pea ki ngā tāngata o Aotearoa.

Ka mahi a CERT NZ me ētahi atu tāngata me ngā rōpū haumaru ā-ipurangi, i konei me tāwāhi, ki te āwhina kia noho haumaru a Aotearoa i ngā whakatuma haumaru ā-ipurangi.

Me whakamahi i ngā kupumuna roa, kaha, ahurei hoki

Inā te kaha o te kupumuna roa ki te kupumuna he uaua ngā tau, ngā pū me ngā tohu.

Ko te huarahi māmā o te whakamahara i tētahi kupumuna roa, ko te whakamahi i tētahi rerenga e whā neke atu rānei ngā kupu.

Hei tauira, popcornwithbutterisbest!1

Whakamahia tētahi kaiwhakahaere kupumuna


He mea hira tonu te whakamahi i tētahi kupumuna rerekē mō ia o ō pūkete tuihono. Ko te tikanga o tērā he nui ngā kupumuna hei whakamaharatanga!

Mā tētahi “kaiwhakahaere kupumuna” e āwhina. 

He rite ki tētahi pouaka haumaru tuihono, ā, kei a koe anake te kī. Ka rokirokitia ō kupumuna katoa kia haumaru ai. 

Ko tāu noa hei maharatanga ko tētahi kupumuna kaha kotahi mō tō kaiwhakahaere kupumuna, ā, māna e mahi ngā mahi!

Whakakāngia te motuhēhēnga-rua

Ko te motuhēhēnga-rua (2FA) he paparanga haumaru tāpiri mō ō pūkete.

Ko te tikanga o tēnei, kua tāpiritia he hipanga anō i muri i tō takiurunga, pēnei i te whakauru i tētahi waehere kua whakaratoa e tētahi taupānga i tō waea.

Ka taea e koe te whakamahi i te 2FA i tō waea, papahiko, taupānga me ngā pūkete. 

Kitea ai te kōwhiringa ki te whakakā ake, i runga i ngā tautuhinga tūmataititanga o te taupānga, pūkete rānei.

Whakahoutia ō pūrere

Ina whiwhi matohi koe ki te 'whakahou' i tō pūrere (hei tauira, rorohiko, papahiko) kaua e whātuturi — me wawe tonu te tāuta. 

Ko tā ngā whakahoutanga he whakatika i ngā ngoikoretanga haumarutanga. Mā te whakahou pūmanawa e ārai atu i ngā kaiwhakaeke kei whakamahia aua ngoikoretanga hei uru ki ō mōhiohio.

Whakaritea ngā whakahoutanga kia aunoa te whakahou i te wā e wātea ana he putanga hou. Ki te pēnā koe, kua kore e mate ki te whai whakaaro ake!

Tirohia tō tūmataititanga

Tirohia te nui o ngā mōhiohio whaiaro mōu e tiria ana e koe i te ipurangi, ā, e tiria ana ki a wai. 

Kei whakamahia pea ngā mōhiohio e tiria ana e koe i te ipurangi e ngā kaiwhakaeke ki te uru ki ō raraunga, te whānako rānei i tō tuakiri.

Tirohia mēnā e tūturu ana ngā tono mōhiohio whaiaro i mua i tō tiri i ō taipitopito. 

Ki te tono tētahi umanga, pakihi rānei i ō mōhiohio, tēnā whakaarohia he aha te tikanga o tā rātou tono. 

Ki te kore e tino tau, kaua e tukuna ngā mōhiohio.

Whākina

Ina pā he maiki tuihono ki a koutou ko ō hoa, tō pakihi rānei, whākina ki CERT NZ.

Report to CERT NZ