Translations
Tausisia saogalemu i luga o le initaneti

Samoan - keeping secure online

Man in the kitchen on his tablet
3 min read

Tausisia saogalemu i luga o le initaneti

Tatou te faaaoga le initaneti e fesootai ai ma uo ma aiga, faafoe ai pisinisi, lafo ai imeli, ma isi feau taua e pei o teugatupe.

E tāua le puipuia o accounts i luga o le initaneti.

O nisi nei o laasaga faigofie e faatumauina ai le malupuipuia o lou faaaogaina o le initaneti.

Faaola le two-factor authentication (2FA)

O le two-factor authentication o se faiga faaopoopo malosi e malu lelei ai. 

A tatala au accounts i luga o le initaneti, e tele ona e faaaoga faatasi se ‘username ma le password’ e faigofie. O se faiga faigofie le two-factor authentication (2FA) ma o se faiga e faalua i ai le malosi o le malu lelei o au accounts. O lona uiga e lafo atu se feau tusitusia po o se pine faamaonia, e lua i ai faiga e iloa ai po o sa‘o le tagata. 

View transcript

O nei vaitaimi i le saoasaoa o fesootaiga televavave, e moomia lo tatou mataala e faatino puipuiga mo i tatou lava ma ē pele ia i tatou.  

Tatou talanoa i le uiga tonu o le two-factor authentication po o le 2FA pe faapefea ona tausisia le saogalemu o oe ma lou aiga i luga o le initaneti. 

O le a tonu le two-factor authentication? O se faiga faaopoopo e malupuipuia ai. A uma ona fai se tatalaupu, e moomia ona e faia se isi faiga faaopoopo e tatala ai lau account. E pei o se pine faamaonia e lafo atu i lau telefoni po o se tulagalima po o le Face ID.

O lona uiga e tusa lava pe ua mateia e se isi lau tatalaupu malosi, e le mafai ona tatala e aunoa ma lau telefoni po o lou tulagalima. E pei o se loka mau e puipuia faiga faainitaneti o e faaaogaina.

O se faiga aoga tele e taofi ai le 60 i le 90 pasene o osofaiga. 

O le tele o polokalame lena e te faaaogaina faapea ma accounts i luga o le initaneti e mafai na faaola ai le two-factor authentication i le faatulagana e faia ai, mulimulitai i faatonuga. A leai fai i sau uo po o se isi o lou aiga e te faatuatuaina na te faia. 

E maua le tele o isi fautuaga i le upegatafailagi Own Your Online.

E matuai malosi le puipuia o oe ma lou aiga pe a faaaoga le initaneti, pe a tele faiga e puipuia accounts ma masini faatekonolosi.

Fai sau own your online ma faaola loa le two-factor authentication.

Fai se tatalaupu umī, malosi, ma faigata ona iloa

E malolosi tatalaupu e umī faaupuga. O le tasi o auala faigofie e fai ai se tatalaupu manaia o le fai o se fuaiupu: e tuufaatasi ai upu e fa pe sili atu. E faigofie atu ona manatua fuaiupu, ma e tutusa lava le malosi ma tatalaupu e faaaoga faatasi ai numera, mataitusi ma faailoga. Ia mautinoa e tofu account taitasi ma le fuaiupu ese.

View transcript

Tatalaupu Malolosi

O nei vaitaimi i le saoasaoa o fesootaiga televavave, e moomia le fai o tatalaupu e malu lelei ai faamatalaga patino.

Na tau ane ai i lou mafaufau le faigofie ona mateia po o le maua faagaoi o lau tatalaupu? E pei o le emo o le mata le maua faagaoi o tatalaupu puupuu ma taitasi faaupuga po o le mateia gofie pe a faaaoga aso fanau po o igoa o fagafao.

Mafaufau i le mea e tupu i faamaumauga tāua, faamatalaga patino ma mea e faamanatu ai pelega o aiga o faamauina i luga o le initaneti.

E tai foliga se tatalaupu malosi o se loka mau lapoa.

E malosi se tatalaupu e faaaoga faatasi ai upu e fa pe sili atu, e manatua lelei.

E atili malosi pe a faaopoopo i ai ma mataitusi lapopoa, numera ma faailoga faaliliu.

Ia tofu account uma ma tatalaupu malolosi ona puipuia lelei lea o oe ma lou aiga.

Toe fai ia matuai malosi lelei tatalaupu e puipuia ai mea sili ona tāua.

Fai tatalaupu malolosi, ma le Own your Online.